37
ځینو باوري سرچینو د نوم نه ښودلو په شرط ویلي چې، د طالبانو د عامې ورغتیا وزارت طبي انسټټیټونو مسوولانو ته سپارښتنه کړې چې د قابله ګۍ، غاښونو، نرسنګ، لابراتوار او نورو څانګو کې نجونې له زده کړو منع کړي دي.
د سرچینو د مالوماتو له مخې د طالبانو د عامې روغتیا وزارت مالي او اداري معین بخت الرحمن شرافت مسوولینو سره په خبرو کې د انستیتونونو په اړه دا وروستۍ پرېکړه بللې ده.
د طالبانو په تېره درې کلنه واکمنۍ کې د نجونو پر ښوونځيو او پوهنتونو له بندیز وضع کولو وروسته د ښځينه وو زده کړو په برخه کې دا درېیم ستر بندیز دی چې هغوی د ښځينه برخې له طبي علومو هم منع کوي.
طالبانو چارواکو تراوسه د دې پریکړې په اړه رسنیو ته څه نه دي ویلي.
واک ته د طالبانو په رسیدو سره پر ښځو محدودیتونه زیات شوي او پر افغان ښځو او نجونو د ژوند کړۍ ورځ تربلې مخ په تنګیدو ده.
