ایران کې د افغان وګړو د اعدامونو په دوام، ایراني چارواکو یو ځل بیا دوه تنه نور افغانان هم اعدام کړل.
د هه نګاو په نوم د ایران د بشري حقوقونو یوه سازمان راپور ورکړی دی چې د دې چارواکو دوه نور افغان وګړي اعدام کړي دي.
یاد سازمان د یوه را پور په خپرولو سره ویلي دي چې ایراني چارواکو د تېرې جمعې په ورځ د جنورۍ په ۱۰ مه نېټه د ۲ افغانانو په ګډون ۵ کسان اعدام کړي دي.
د هه نګاو بشري حقونو سازمان په راپور کې زیاته شوې چې دغه افغان وګړي د قتل په تور د ایران د کرج ښار په قزالحصار زندان کې اعدام شوي دي.
د راپور له مخې د یو اعدام شوي کس نوم امان الله تاجیک ښودل شوی چې په قتل تورن و او څه موده وړاندې پرې د اعدام حکم شوی و او د دویم اعدام شوي کس هویت تر اوسه نه دی روښانه شوی.
دا په داسې حال کې ده چې ایران تر دې وړاندې هم په لسګونه افغان وګړي په بېلابېلو تورونو په اعدام محکوم کړي و او د افغان وګړو د اعدام لړۍ یې چټکه کړې ده.
